11th Pohnpei Legislature

27th Special Session

Ih ieng oh kaselehlie Maingko. Ni wahu iet rongen rahnwet nan legislature.

Ni kulok 10 nimeinseng en June 17 pahr 2026 pwihn en kou-kosonned keisek ehu  patowan tapiadahr arail tungoal wie lamalam torohr kerieisek isu nan wasahn wie lamalam,Peilapalap nan Kolonia. Sapwellimatail Speaker Yamaguchi me patowan ritingada wie lamalam wet oh pekidahr loulou sang Sen. Abraham. Eri pwehki e mie Quorum  a en sansal me ire oaralap limau me patodien rahnwet pahn katih oh apwalih.

I.Ire Oaralap keiou iei SCR me iei

• SCR Nempe.366-26 me pid project kei nan Wein Nett me kapwandalahr ong ehu session mwurin rahnwet sang Vice Chairman Joab en (PW&TC)
• SCR Nempe.367-26 me pid kemwekid pen petehk ong oarohr ehu  me wiawi nan kousapw Sapwohn,Sokehs oh Awak Pah nan Wein U. Repwoht wet sang Committee en Environment and Climate Relation me Senator Artui wia Chairman. Kaweid kan sang honorable Senators oh peki ire wet en doudoulahte oh tehk tik ih oh en epwel keneinei.
• SCR Nempe.369-26 -iei me pid idihdahn en Kepina en Wein Pohnpei e tungoal Nominee ong Board en Health Care Plan Mr. Ieske K.iehsie.

-keriau iei SCR No.370-26 me iei kopwurpwurlong en Legislature Bill No.470-26 me songosong en wekidala Pohnpei Public Code 4-106 me pid Organizational meetings or for other purposes en Pohnpei Health Care Plan. Me pwukat koaros repwoht sang Committee en Roson mwahu me Senator Neth wia Chairman oh repwoht wet file lahr.

• SCR Nempe.371-26 me pid kopwurpwurlong en komwomwadahn kosonned Nempe.392-26 me idan pekipeki iou ong oaroahr en dahu (Nan Oumoar) me pahn eledahr ihmw en kak wiawida  pwehn kak rent ong tohn wehi me kupwurki.

• SCR Nempe.372-26 me pid kopwurpwurlong en kamwomwadahn kosonned Nempe.397-26 me pid oarohr dahn dahu iou pwehn kak patehng paip ehu oh audehda wasa kis nan oarohr me mih nan kousapw Oumoar pwehn kak wia wasahn  kauwadahn ihmw kei pwehn kak rent oh tohn wehi en doadoangki.

• standing committee report Nempe. 373-26-me idan kamwomwadahn kosonned No.473-26 me kaweidpe mie sang ohpis en Auditor me pekipek me wen mwoni iou me kamanaman ier  sang Pwihn en kou-kosonned ni wala tala lopw silinen wenekid.  A pwehki mwoni wet e peidahr nan lukopen dien mwoni wet a Ohpis en Auditor patowan peki mwoni wet en kak kemwekid oh nenedieng nan anahn kan me ohpis wet sapwelmanki. Kaweidpene me committee en mwoni ehu kieng irail akan me weliando ohpis  en Auditor oh ie Director en kempahn mwoni me pwehki mwoni o e kamanamandahr  oh kaidehn mwoni kapw iou. Me pwukat koaros repwoht sang Committee en Mwoni me Senator Carl patowan wia Chairman oh repwoht wet alahlda.

II.Doadoahk kan me koadoahkepe saik Unsekla

 -Kamwomwadahn kosonned Nempe.243-25 L.D.I- kamwomwadahn kossoned wet kawkaweid kupwur mwahu en mie sang Pwihn en kou-kossoned en kupwurehla pwehki mour en kamwomwadahn kosonned wet oh peki ehu task force en koukouda pwehn kak tehk tik ih kemwekid pen fuel de wiepen netin fuel me mie.Task force wet en kak kaweid do wiepe torohr tei kan  me pehi wet kak en patoieng  loale oh tehk ma mie ehu source de wiepe torohr likin me national government patowan. Me pwukat koaros repwoht sang Senator Edward me patowan wia Chairman oh repwoht wet Kamanamanlahr ni usuhs 20 ei.

 -Kamwomwadahn kosonned No.473-26- me idan kamwomwadahn kosonned me peki wekideklahn budget en mwoni me apwali ohpis en Auditor sang ni mwoni me kamanaman dahr me mih ni wen tala lopw silinen wenekid me peida a en kak mweimweida oh neneieng nan anahn kan me ohpis wet sapwelmanki.

-Kamwomwadahn kosonned No.475-26-kamwomwadahn kosonned wet kaweid en kak kamanahda wen tala million ehu point limau me pahn patosang pweidahn audit me wiawi ieng budget en Pahr 2023 me kasaledahr me pohnangin million riau me dep nan dien mwoni wo oh percent silisek en mwoni wet me pahn apwali dien mwoni kan me saik epwel ieng local government kan.  Oh iet duen e kanene dier ni ehu ehu local government kan.

1. Kapingamarangi-Pahnen-pahkid welikipwiki isisek-ehu
2. Kitti- Rie lopw isinen kid wenepwiki limeisek pahieu
3. Kolonia Town- Lopw welinen wenekid epwiki duweisek walu
4. Madolenihmw- Rie-lopw limenen pahkid welipwiki isisek-silu
5. Mwoakilloa- Silinen silikid duwepwiki limeisek-isu
6. Nett-Lopw welinen weneisek limau
7. Nukuoro- Rie-nen welikid duwepwiki pahisek walu
8. Pingelap-Isinen wenekid duwepwiki silisek
9. Sapwuafik-Silinen welikid isipwiki riau
10. Sokehs- Rie-Lopw limenen wenekid silipwiki weneisek riau
11. U-Lopw Pahnen isikid pahpwiki welisek

-Me pwukat koaros repwoht sang Committee en Mwoni me Senator Carl patowan wia Chairman oh repwoht wet kamanaman lahr oh pahn kopwurpwurlahng Committee en mwoni.

III. Resolution Calendar

 -resolution de pekpek nempe No.165-26 -me idan doadoahk iou me mwekmwekid nan Micronesian Legal Services. Nan doadoahk me kin mwekmwekid nan ohpis wet me pahn sairada irail tohn doadoahk en ohpis wet pwehki kosoned me Pwihn en kou-kosoned kamanadahr ong pwukoa en Pohnpei State Government  ong sapis kesempwal, e koasondi me sapwelimatail Speaker me pahn idiada weliepen Pohnpei nan Board en Micronesia Legal Services. En sansal me Ohpis en Pohnpei wia ohpis kesempwal iou oh pwehki ohpis wet me apwali case me keioun tohto nan wasa kan me apwali me Micronesian Legal Services pato ie, me iangahki wein Palau, Marshall Islands, Guam, Saipan oh deke pahiou en FSM. Met pwukat koaros repwoht sang Senator Carl me wia Chairman.Usuhs en resolution No.165-26 kamanaman ier ni usuhs 20 ei.

IV.Nomination:

 -Recommendation per SCR No.369-26 – me pid kamanaman lahn Nomination Mr. Ieske Iehsie pwehn wia member en Health Care Plan, Board of Directors. Usuhs wiawier ong Mr.Ieske Iehsie ni usuhs 18 ei soh 2.

V.Announcement/Pakair:

Karongorong-Committee en Finance at 9:00 am June 18,2026.

 Repwoht me pid karakar

Ah meteht audepen rahnwet oh kalahngan en kupwur koaros.